რაციონალური ამბავი იქნებოდა ალბათ, რომ მიხეილ სააკაშვილს საკუთარ განცხადებაში მისი პარტია ეგულისხმა, რადგან მისივე მეცადინეობით, ის ითვლება მთავარ ოპოზიციურ პარტიად და კარგ ფორმაში რომ არ არის, ამას მთელი ქვეყანა ხედავს, – ამის შესახებ „გირჩის“ ლიდერმა, იაგო ხვიჩიამ განაცხადა.
მისი თქმით, ოპოზიციის გაუბედურებაში სააკაშვილის წვლილიც არის.
„მისი წვლილიც არის – გნებავთ, მისი პოლიტიკური გადაწყვეტილებებით და გნებავთ იმით, რომ თავისი მედია დაახშო განსხვავებული აზრის მქონე ადამიანებისგან. ოპოზიციაც და სააკაშვილიც აქედან გამომდინარე ამ რეალობაში“, – განაცხადა ხვიჩიამ.
საქართველოს ყოფილმა პრეზიდენტმა, მიხეილ სააკაშვილმა განაცხადა: „ევროპულ და ამერიკულ გულშემატკივრებში ყალიბდება აზრი, რომ ქართულ ოპოზიციას არ შესწევს ერთიანობის უნარი და ასეთი სუსტი ოპოზიციის ხმამაღალი მხარდაჭერა აზრს მოკლებულია“.