საქართველოს კონსტიტუციასთან და ადამიანის უფლებათა ევროპულ კონვენციასთან პირდაპირ წინააღმდეგობაშია განცხადება, რომელიც გაკეთდა ეროვნული ბანკის მხრიდან, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
მისივე თქმით, კონკრეტული პირის მიმართ სამართლებრივი სასჯელის დაწესება ისე, რომ მის მიმართ არ არის გამოტანილი შესაბამისი განაჩენი, პირდაპირ ეწინააღმდეგება უდანაშაულობის პრეზუმფციის პრინციპს.
„პირველ რიგში, რაც შეეხება სამართლებრივ შეფასებას, ჩვენთვის სახელმძღვანელო პრინციპი არის საქართველოს კონსტიტუცია და არამარტო კონსტიტუცია. ეს არის, მაგალითად, ადამიანის უფლებათა ევროპული კონვენცია, სადაც პირდაპირ არის მოცემული საკუთრების უფლების შეზღუდვის ჩარჩოები, ფარგლები, სტანდარტები. ამ დოკუმენტებთან, საქართველოს კონსტიტუციასა და ადამიანის უფლებათა ევროპულ კონვენციასთან პირდაპირ წინააღმდეგობაშია განცხადება, რომელიც გაკეთდა ეროვნული ბანკის მხრიდან. ამას ვამბობ, პირველ რიგში, როგორც იურისტი, საკუთრების უფლების შეზღუდვას აქვს თავისი სტანდარტი. გარდა ამისა, სტრასბურგის პრაქტიკის მიხედვით, ასეთი ტიპის სანქციები წარმოადგენს სისხლის სამართლებრივ სასჯელს და ზუსტად იმავე სტანდარტებით არის შესაფასებელი, როგორც ნებისმიერი სხვა სასჯელი. რეალურად რა ხდება? სინამდვილეში, წესდება სამართლებრივი სასჯელი კონკრეტული პირის მიმართ ისე, რომ მის მიმართ არ არის გამოტანილი შესაბამისი განაჩენი, ეს პირდაპირ ეწინააღმდეგება უდანაშაულობის პრეზუმფციის პრინციპს. ნებისმიერმა თავმოყვარე იურისტმა, რომელიც გათვითცნობიერებულია ადამიანის უფლებების კონცეფციაში, მხოლოდ ასეთი შეფასება შეიძლება გააკეთოს ამ თემასთან დაკავშირებით“, – განაცხადა კობახიძემ.