ევროპის საბჭოს გენერალური მდივნის, მარია პეიჩინოვიჩ ბურიჩის განცხადებით, აზერბაიჯანის საგარეო საქმეთა მინისტრთან შეხვედრისას მან შეშფოთება გამოთქვა ყარაბაღის რეგიონის ირგვლივ სამხედრო ესკალაციის შესახებ.
„ვწუხვარ, რომ უდანაშაულო, დაუცველი მშვიდობიანი მოქალაქეები, რომლებიც უკვე განიცდიან მწვავე ჰუმანიტარულ კრიზისს რეგიონში, კიდევ ერთხელ ცდიან საკუთარ თავზე ძალის გამოყენების დიდ ნაწილს. ამის მოთმენა შეუძლებელია. მე მოვუწოდე აზერბაიჯანს, სასწრაფოდ შეწყვიტოს საომარი მოქმედებები“, – ნათქვამია მარია პეიჩინოვიჩ ბურიჩის განცხადებაში.
ამასთან, ევროპის საბჭოს გენერალური მდივანმა აღნიშნა, რომ საჭიროა იარაღის დაყრა და დიალოგის პროცესის დაწყება.
„მხოლოდ მნიშვნელოვან, უპირობო დიალოგს ყველა მხარის მონაწილეობით, შეუძლია გრძელვადიან მშვიდობამდე მიყვანა, რომელსაც ალტერნატივა არ აქვს. ევროპის საბჭო კვლავ მზადაა, მონაწილეობა მიიღოს და დაეხმაროს ამ პროცესს, რათა უზრუნველყოს ყველა ადამიანის ყველა უფლებებით სარგებლობა, მათ შორის ეროვნული უმცირესობების უფლებებით“, – განაცხადა ევროპის საბჭოს გენერალურმა მდივანმა.