უკრაინის შეიარაღებული ძალების სპეციალური ოპერაციების ძალების წარმომადგენლების განცხადებით, სევასტოპოლში რუსეთის შავი ზღვის ფლოტის შტაბ-ბინაზე თავდასხმა პარასკევს, სამხედრო ხელმძღვანელობის შეხვედრის დროს მოხდა.
„სპეციალური ოპერაციების ძალების შრომისმოყვარეობამ შესაძლებელი გახადა შავი ზღვის ფლოტის შტაბზე დარტყმა „დროულად და ზუსტად“ რუსეთის საზღვაო ძალების ხელმძღვანელობის შეხვედრის დროს. შედეგი არის ათობით დაღუპული და დაჭრილი ოკუპანტი, მათ შორის ფლოტის უმაღლესი მენეჯმენტი”- ნათქვამია უკრაინელი სამხედროების განცხადებაში.
როგორც უკრაინის სამხედრო დაზვერვის ხელმძღვანელმა, კირილ ბუდანოვმა ამერიკის ხმასთან ინტერვიუში განაცხადა, თავდასხმას სულ მცირე 9 ადამიანი ემსხვერპლა და 16 დაშავდა. მათ შორის რუსი გენერლები.
ცნობისთვის, დროებით ოკუპირებულ სევასტოპოლში რუსეთის შავი ზღვის ფლოტის შტაბ-ბინაზე თავდასხმა 22 სექტემბერს მოხდა.