“ერთმნიშვნელოვნად აზიანებს ქვეყნის ინტერესს, როგორც საერთაშორისო დონეზე, ასევე ქვეყნის შიგნით”

პრეზინდეტის ადმინისტრაცია “ქართული ოცნების” ბრალდებებს ეხმიანება და აცხადებს, რომ სალომე ზურაბიშვილი არც კონსტიტუციას არღვევს და არც კანონს.

“საქართველოს შესაძლო შავ ხვრელად” ქცევა მხოლოდ ერთი ქვეყნის ინტერესებშია და პირდაპირ ეწინააღმდეგება სახელმწიფო ინტერესებსა და ჩვენს ევროატლანტიკურ გზას” – ნათქვამია სოციალურ ქსელში გავრცელებულ განცხადებაში.

პრეზინდეტის ადმინისტრაციის ამ პოსტს მმართველ გუნდში პასუხობენ. “ქართულ ოცნებაში” აცხადებენ, რომ სალომე ზურაბიშვილი ქვეყნის ინტერესების საწინააღმდგოდ მოქმედებს.

მმართველი გუნდის წევრის, ნინო წილოსანის განცხადებით, სალომე ზურაბიშვილი, როგორც საერთაშორისო დონეზე, ასევე ქვეყნის შიგნით ებრძვის ინსტიტუციებს და მათ დისკრედიტაციას ახდენს.

“ისევ რჩება კანონისა და კონსტიტუციის მიღმა. ვფიქრობ, პრეზიდენტის ბოლო მოქმედებების შეფასება უკვე აღარაფერს არ გვაძლევს, ისედაც ერთმნიშვნელოვნად აზიანებს ქვეყნის ინტერესს, როგორც საერთაშორისო დონეზე, ასევე ქვეყნის შიგნით ებრძვის ინსტიტუციებს და დისკრედიტაციას უწევს მათ. ახლა მთელი ყურადღება უნდა იქნეს გადატანილი, როგორ დავიცვათ ქვეყანა და ქვეყნის ინტერესები მის მიერ გატარებული ქვეყნის საწინააღმდეგო მოქმედებებისგან”, – განაცხადა ნინო წილოსანმა.