„მმართველი გუნდი პასუხისმგებლობით მოეკიდა ამ საკითხს და მყისიერი რეაგირება მოახდინა. სწორედ, ამის შედეგია ის პროცესი, რომელიც დღეს გაიმართება და შესაძლოა, ხვალაც გაგრძელდეს ბათუმში, საკონსტიტუციო სასამართლოში“, – ამის შესახებ საპარლამენტო უმრავლესობის წევრმა გივი მიქანაძემ პრეზიდენტის იმპიჩმენტის საკითხზე საუბრისას განაცხადა.
„ჩვენ წინასწარ მოვლენებს არ გავუსწრებთ, მაგრამ ცხადზე ცხადია და ეს არის ელემენტარული, რომ პრეზიდენტმა კონსტიტუცია უხეშად დაარღვია. ამიტომ ჩვენ დაველოდებით საკონსტიტუციო სასამართლოს გადაწყვეტილებას“, – განაცხადა გივი მიქანაძემ.
ცნობისთვის, დღეს საკონსტიტუციო სასამართლო პრეზიდენტის იმპიჩმენტის საკითხს განიხილავს.
კომენტარები