სომხეთის პრემიერ-მინისტრმა, ნიკოლ ფაშინიანმა თანამდებობიდან გადადგომაზე უარის თქმის მიზეზები დაასახელა.
„თუ ჩემი წასვლა ყველა გამოწვევას გაანეიტრალებს, მაშინ ამას გავაკეთებ. სკამს არ ვებღაუჭები, მაგრამ ყველა ჩემი ანალიზი აჩვენებს, რომ გადადგომის შემთხვევაში პირიქით მოხდება. ეს არის ერთ-ერთი მიზეზი, თუ რატომაც არ ვტოვებ თანამდებობას“, – განაცხადა ფაშინიანმა პარლამენტში, ბლოკ „სომხეთის“ დეპუტატის მჰერ საჰაკიანის შეკითხვას საპასუხოდ.
მისი თქმით, სომეხმა ხალხმა თავად უნდა გადაწყვიტოს, ვინ იქნება ქვეყნის პრემიერ-მინისტრი.
„ადრე მე დავტოვე თანამდებობა იმისთვის, რომ კიდევ ერთხელ გამეღო კარი სომხეთის მოსახლეობისთვის, რათა ვადამდელი არჩევნების გზით გადაეწყვიტათ, ვინ იქნებოდა სომხეთის პრემიერ-მინისტრი“, – აღნიშნა მთავრობის მეთაურმა.
კომენტარები