ისრაელში ეძებენ კაცს, რომელიც ისრაელისა და ღაზას სექტორის საზღვარზე „ჰამასის“ თავდასხმის დროს შვილის გადასარჩენად წავიდა. ამის შესახებ CNN-ი იტყობინება.
ტელეარხის ცნობით, მარკ პერეტცის ქალიშვილი მაია მუსიკალურ ფესტივალ Nova Festival-ზე იმყოფებოდა, როდესაც იქ „ჰამასის“ ტერორისტები შეიჭრნენ. კაცი შვილს ტელეფონით ესაუბრებოდა, როდესაც სროლისა და ყვირილის ხმა გაიგონა.
„როდესაც გავიგეთ, რომ „ჰამასმა“ საზღვარი გადმოკვეთა, მამაჩემი მიხვდა, რომ ჩემს დას მალე მოიტაცებდნენ, ამიტომ მანქანაში ჩაჯდა და ფესტივალისკენ წავიდა“, – განაცხადა პერეტცის ვაჟმა გილადმა.
მისივე თქმით, მამამ ფესტივალის ლოკაციას ადგილობრივი დროით 08:30 საათზე მიაღწია.
„როდესაც დამირეკა სროლის ხმა გავიგონე და მამამ თქვა „არ ესროლოთ მათ“, – ამბობს გილადი და აღნიშნავს, რომ მამასთან კონტაქტი მალევე დაკარგა. კაცი ვარაუდობს, რომ მამამისი გაიტაცეს ან მოკლეს.
მაიამ კი „ჰამასის“ მებრძოლებისგან გაქცევა შეძლო. ის ბუჩქებსა და ნაგვის ურნებში იმალებოდა, შემდეგ კი თავი პოლიციის განყოფილებაში შეაფარა და სახლში უვნებელი დაბრუნდა.
„მამაჩემი მებრძოლია. მეოჯახეა და უბრალოდ თავისი ქალიშვილის გადარჩენას ცდილობდა. ცხოვრება გრძელდება. იმედი მაქვს. ყველას გვენატრება მამა“, – ამბობს გილადი.