“ნაციონალური მოძრაობის” წევრების დავით კეზერაშვილთან კვიპროსში გამგზავრების ფაქტს ამავე პარტიის წევრი, ნიკა მელიას თანამოაზრე, ბაჩო დოლიძე აფასებს.
“კითხვებიც არ არის, არის ის, რაზეც ვსაუბრობთ. პეტრე მეგობარია იმ ადამიანის და გასაგებია, ჩავიდა, სხვები სად მირბოდნენ, ეგ ვერ გავიგე. მაგაზეა საუბარს ხომ არ დავიწყებთ, “ხომ ვამბობდით, ხომ ვამბობდით”. დასამტკიცებელი არაფერი მომხდარა და არავის არაფერს არ ვუმტკიცებდი, ვსაუბრობდი იმაზე, რაც შემდგარი ფაქტი იყო, ასე რომ ეს არის “ნაციონალური მოძრაობის” დღევანდელი მენეჯმენტის არჩევანი, გზა, მე სულ სხვა არჩევანი და გზა მაქვს. პოლიტიკური ბრძოლის მეთოდებს, ამ შემთხვევაში, აბსოლუტურად ინდივიდუალურად გადავწყვეტთ,” – აცხადებს ბაჩო დოლიძე.
“ნაციონალური მოძრაობის” თავმჯდომარე, ლევან ხაბეიშვილი დავით კეზერაშვილთან შესახვედრად კვიპროსში გაემგზავრა. ხაბეიშვილთან ერთად, კვიპროსში წავიდა პარტიის სრული მენეჯმენტი, მათ შორის, პეტრე ცისკარიშვილი, დავით კირკიტაძე და გიორგი ბოტკოველი.