ხელისუფლების ძალადობრივი გზით შეცვლის საქმეზე, სუსის გამოძიების ფარგლებში, სასამართლოში ანი მეტრეველი გამოიკითხა. ის სერბი ტრენერების ტრენინგებს თარგმნიდა. გამოძიების ინფორმაციით, USAID-ის დაფინანსებით და „კანვას საქართველოს“ ორგანიზებით სერბი ტრენერები ტრენინგებს ხელისუფლების ძალადობრივი გზით შეცვლასთან დაკავშირებით ატარებდნენ.
როგორც ადვოკატი მამუკა ჭაბაშვილი აცხადებს, მოწმე თარჯიმანი იყო.
„მოწმე იყო თარჯიმანი, რომელიც სინქრონში თარგმნიდა ინგლისურიდან ქართულად და პირიქით. ეს არ იყო მისთვის პირველი სემინარი. მსგავსი სემინარი მეოთხედ ჩატარდა. პირველი ორი 2 წლის წინ ჩატარდა და აბსოლუტურად სხვა პროფესიაში მოქმედ აქტივისტებს ჩაუტარდათ. თარჯიმანმა კიდევ ერთხელ დაადასტურა თემა, არაძალადობრივი გზით, საკუთარი მიზნების მიღწევა ამა თუ იმ სფეროში და აქტიურობა, საზოგადოების მხარდაჭერის მოპოვება“, – აღნიშნა მამუკა ჭაბაშვილმა.