„ძალიან მძიმე სიტუაციაა, ყოველ წუთს რაკეტებს ისვრიან,“ – ეს განცხადება მომღერალმა კაკული გურიელაშვილმა „რეაქციაში“ გააკეთა.
გურიელაშვილი ოჯახთან ერთად ქალაქ აშკელონში იმყოფება, რომელიც თავდასხმის ერთ-ერთი ეპიცენტრია.
გადაცემაში მომღერალი შვილთან ერთად ჩაერთო.
მისი თქმით, დღეს ქალაქზე თავდასხმა დაახლოებით 40 წუთი გრძელდებოდა, საბედნიეროდ თავდასხმის შედეგად არავინ დაღუპულა.
„ბავშვებს, ფეხმძიმე ქალებს მუცლები გადაჭრეს, ასეთი რამ არ ხდება მსოფლიოში, მადლობა ჯარს, მთავრობას, რომ ერთად ვდგავართ, ჭირში და ლხინშიც ერთნი ვართ.
40-45 წუთი შეტევები იყო შეუჩერებლივ, რაკეტებს ისვრიდნენ, ტელევიზიებიდან ვიცით, რომ ყველა რაკეტა განეიტრალდა, მსხვერპლი არ არის, ღმერთს მადლობა, ახლა არავინ დაღუპულა, მაგრამ შეიძლება ნებისმიერ დროს განახლდეს შეტევა და რა იქნება, კაცმა არ იცის“, – ამბობს გურიელაშვილი „ტვ პირველთან“ საუბრისას.
„მე საქართველოში დაბადებული ებრაელი ვარ და ვიცი, რომ ღმერთი შეგვეწევა და ყველაფერი კარგად იქნება“ – ამბობს საუბრის ბოლოს გურიელაშვილი.