აშშ-ის სახელმწიფო მდივანი ენტონი ბლინკენი ისრაელში ჩავიდა.
მცირეხნიანი ვიზიტის განმავლობაში, ამერიკელი მაღალჩინოსანი ისრაელის პრემიერ-მინისტრ ბენიამინ ნეთანიაჰუსა და პალესტინის პრეზიდენტ მაჰმუდ აბასსთან შეხვედრას გეგმავს.
შეგახსენებთ, 10 ოქტომბერს სახელმწიფო დეპარტამენტში გამართულ ბრიფინგზე განაცხადეს, რომ აშშ-ის სახელმწიფო მდივანი ენტონი ბლინკენი ისრაელში ჩავიდოდა იმის გასარკვევად, როგორ შეუძლია აშშ-ს, განაგრძოს მათი მხარდაჭერა.
„მდივანი მოუთმენლად ელოდება ისრაელის მთავრობის ლიდერებთან შეხვედრას და დისკუსიების გაგრძელებას, რომლებიც მას და პრეზიდენტს ჰქონდათ მათთან თავდასხმების დაწყებიდან“, – განაცხადა იმ დროს სახელმწიფო დეპარტამენტის სპიკერმა, მეთიუ მილერმა.
კომენტარები