უსაფრთხოების ახალი პერსპექტივები გაჩნდება სამხრეთ კავკასიაში, რომელიც შავი ზღვის რეგიონის მეზობელია. ეს პოტენციალს შემატებს ჩვენს საერთო უსაფრთხოებას აქ, ევროპის ჩვენს ნაწილში განსაკუთრებით მაშინ, როდესაც ჩვენი თავდაცვა რუსული აგრესიისგან ახალ პერსპექტივებს გაუხსნის საქართველოს აღადგინოს ტერიტორიული მთლიანობა, – ამის შესახებ უკრაინის პრეზიდენტმა ვოლოდიმირ ზელენსკიმ შვედეთში მიმდინარე გაერთიანებული საექსპედიციო ძალების წევრი სახელმწიფოების სამიტზე დისტანციურად სიტყვით გამოსვლისას განაცხადა.
ზელენსკიმ დღეს არსებულ მდგომარეობას „ისტორიული გზაჯვარედინი“ უწოდა.
„მხოლოდ ორი ვარიანტია: ან ტერორისტული რუსეთი მოახერხებს თავისუფლების გატეხას, და მაშინ მთელ ჩვენ კონტინენტზე გავრცელდება გეოპოლიტიკური არასტაბილურობის ზონა, რომელიც ევროპის აღმოსავლეთში არსებობს, ან თანამშრომლობის ბევრი დონისა და ფორმატის მეშვეობით, კერძოდ რეგიონალური, თავისუფლების ჩვენი საერთო დაცვით, რუსეთი ამ წინააღმდეგობაში აგებს. და როდესაც ის აგებს, შედეგად რეალიზებულ იქნება ისტორიული შანსი გეოპოლიტიკური სტაბილურობისთვის მთელი ხაზის გასწვრივ, სკანდინავიიდან მინსკისა და კიევის გავლით სამხრეთ კავკასიამდე“, – განაცხადა ზელენსკიმ.