თუ დიპლომატიურ და სამხედრო ზეწოლას გავაგრძელებთ, „ჰამასი“ კიდევ უფრო მეტ მძევალს გაათავისუფლებს, – ამის შესახებ BBС-სთან საუბარში ისრაელის პრემიერ-მინისტრის, ბენიამინ ნეთანიაჰუს უფროსმა მრჩეველმა, მარკ რეგევმა განაცხადა.
მისივე თქმით, „ჰამასმა“ ორი ამერიკელი მძევალი – ნატალი და ჯუდით რაანანები ყოველგვარი წინაპირობების გარეშე გათავისუფლა.
„ჩემი აზრით, „ჰამასი“ ხვდება, რომ ის უზარმაზარი ზეწოლის ქვეშაა – როგორც დიპლომატიური, ასევე სამხედრო კუთხით. ჩემი აზრით, ეს აიძულებს „ჰამასს“, გაათავისუფლოს მძევლები. დარწმუნებული ვარ, რომ თუ ზეწოლას გავაგრძელებთ, „ჰამასი“ კიდევ უფრო მეტ მძევალს გაათავისუფლებს. გავაგრძელებთ ამ ზეწოლას და „ჰამასზე“ ძლიერი იერიშების მიტანას“, – განაცხადა ნეთანიაჰუს მრჩეველმა.
ისრაელის თავდაცვის ძალების პრესსპიკერმა „ჰამასის“ მიერ ორი ამერიკელი მძევლის გათავისუფლება დაადასტურა.