ერევნის ცენტრში ფიზიკური დაპირისპირების დროს საქართველოს მოქალაქე დააკავეს. სომხური მედიის ინფორმაციით, დაკავებულია ე.წ. კანონიერი ქურდი ვიტალი ავდიანი, რომელსაც კრიმინალურ წრეებში ვიტია ტბილისკის სახელით იცნობენ.
ასევე, დაკავებულია მისი თანმხლები ოთხი პირი, რომლებიც რამდენიმე მოქალაქის მიმართ ფიზიკურ ანგარიშსწორებაში მონაწილეობდნენ. ე.წ. კანონიერი ქურდის ავტომობილის ჩხრეკისას ამოღებულია ცეცხლსასროლი იარაღი და ნარკოტიკული საშუალებები.
კომენტარები