ციფრული უნივერსიტეტი, პროფესიული განათლების კურსები, სპორტული აქტივობები, მაღალი დონის სამედიცინო მომსახურება, შშმ ადაპტირებული საკნები, საზოგადოებრივი მისაღები ბავშვთა გასართობი სივრცით, მყუდრო და კეთილმოწყობილი სივრცე ხანგრძლივი პაემნებისთვის – ეს და კიდევ ბევრი სიკეთე ერთ სივრცეში – ლაითურის ახალ, პირველ პენიტენციურ დაწესებულებაშია თავმოყრილი.
ეს არის პირველი, ევროსტანდარტების შესაბამისი მცირე ზომის საპატიმრო საქართველოში. იუსტიციის სამინისტრო ამ ტიპის კიდევ არაერთი დაწესებულების მშენებლობას გეგმავს.
„აღნიშნული სტანდარტის დაწესებულება საპატიმროში მყოფი პირების ცხოვრებაში იქნება მნიშვნელოვნად წინგადადგმული ნაბიჯი, რათა მათ ღირსეულად მოიხადონ ის სასჯელი, რაც მიესაჯათ. პატიმრები უზრუნველყოფილები არიან სამჯერადი კვებით. გათვალისწინებული სამედიცინო სფეროში მიღებული ყველა გაიდლაინი“, – აცხადებს პენიტენციური სამსახურის ხელმძღვანელი, ნიკა ცხვარიაშვილი „იმედის კვირასთან“.