“პოლიტიკური გადაწყვეტილება თავად ნიკა მელიამ მიიღო, როცა მან პრეზიდენტი სააკაშვილის შემოთავაზებაზე უარი თქვა და ხელი არ მოაწერა ერთობის დოკუმენტს, რომელიც იქნებოდა შანსი მისი რეინტეგრაციისთვის პარტიაში, რომელსაც დიდი ხანია მძიმე ბრალდებებს უყენებს”,- ამის შესახებ “ნაციონალური მოძრაობის” წევრმა, თინა ბოკუჩავამ განაცხადა.
ბოკუჩავა მიიჩნევს, რომ მელია პარტიის თავმჯდომარის არჩევნებში წაგებას ვერ ეგუება.
“ეს არის ადამიანი, რომელმაც წააგო არჩევნები და, სამწუხაროდ, ამ წაგებას ვერ და არ შეეგუა. ნებისმიერი სხვა თანამშრომლობის ფორმატი შიგნით მისთვის აღმოჩნდა მიუღებელი.
როცა ამდენ დროს აკარგვინებს ადამიანი ოპოზიციონერებს, რომ ისაუბრონ გაუთავებლად მის წასვლა-არწასვლაზე, როცა ადამიანი წასულია, მგონი ცხადია უკვე, ვის მიზნებს ემსახურება,” – აღნიშნა ბოკუჩავამ.