ანაკლია-განმუხურში უხვმა ნალექმა და შტორმმა სანაპიროს მიმდებარე ტერიტორია დატბორა და ინფრასტრუქტურა დააზიანა.
არსებულ ვითარებას ზუგდიდის მერი მამუკა წოწერია ადგილზე ეცნობა. მერიის შესაბამისი სამსახურები დილიდან საგანგებო რეჟიმში მუშაობენ. ამ ეტაპზე მიმდინარეობს გაწმენდითი სამუშაოები. მობილიზებულია შესაბამისი ჯგუფები და ხორციელდება ყველა ტიპის სამუშაო, როგორც საპრევენციო, ასევე სტიქიის სალიკვიდაციო ღონისძიებები.
ზუგდიდის მერია სამეგრელო-ზემო სვანეთის სახელმწიფო რწმუნებულის ადმინისტრაციასთან და საგანგებო სიტუაციების სამსახურთან კოორდინაციით მუშაობს.
კომენტარები