თუ დონალდ ტრამპი მომავალ წელს აშშ-ის საპრეზიდენტო არჩევნებში გაიმარჯვებს, ეს იქნება კატასტროფა ევროპისთვის, – განაცხადა გერმანიის თავდაცვის მინისტრმა, ბორის პისტორიუსმა.
“ვინც არ უნდა მოვიდეს თეთრ სახლში, ერთი შემთხვევა კატასტროფა იქნება, მეორე შემთხვევა – ბევრად უკეთესი”, – აღნიშნა გერმანიის თავდაცვის უწყების ხელმძღანელმა.
ბორის პისტორიუსის თქმით, მაშინაც კი, თუ “დემოკრატი” კანდიდატი გაიმარჯვებს არჩევნებში, ევროპა კვლავ გამოწვევების წინაშე იქნება, რადგან ვაშინგტონის ყურადღება უფრო მეტად ინდო-წყნარი ოკეანის რეგიონზე იქნება.
“ამას თუ გააკეთებენ, ალბათ ვერ შეძლებენ ევროპაში ჩართულობის იმავე დონის შენარჩუნებას. ეს ნიშნავს, რომ ევროპელებს ნატოს ფარგლებში მეტი პასუხისმგებლობის აღება მოუწევთ”, – დასძინა მან.
კომენტარები