“შემთხვევითი არ არის რომ ვინც ომისკენ მოგვიწოდებდა, ბიძინა ივანიშვილზე შეკვეთილ სტატიებს აქვეყნებს”

ვინც მოგვიწოდებდა ომისკენ, ბიძინა ივანიშვილზე შეკვეთილ სტატიებს აქვეყნებს და არ არის ეს შემთხვევითი, – ასე გამოეხმაურა ფრაქცია „ქართული ოცნების“ თავმჯდომარე და პარტია „ქართული ოცნების“ აღმასრულებელი მდივანი მამუკა მდინარაძე Politico-ს მიერ ბიძინა ივანიშვილზე გამოქვეყნებულ სტატიას.

მისი თქმით, ეს სტატია ვერ იქნება სანდო, არამედ სანდო არის მხოლოდ FARA-ს საფუძველზე ამერიკის იუსტიციის დეპარტამენტის მიერ გამოქვეყნებული ინფორმაცია და შემდეგ, ამ ინფორმაციის და ფაქტების ჯაჭვი, რაც საბოლოო ჯამში მიდის იქამდე, რომ ბიძინა ივანიშვილის წინააღმდეგ გამოქვეყნებული სტატია არის შეკვეთილი.

„დადასტურდა რასაც ვამბობდით. ამავდროულად ერთი საინტერესო დეტალია – ის, ვინც ითხოვდა ომს საქართველოში, შეიძლება არავინ ეკითხებოდა ისე, მათ შორის ჟურნალისტი და გამოდიოდა, რაღაც პოსტებს წერდა თუ საზოგადოების წინაშე სხვადასხვა პლატფორმიდან გამოდიოდა, იგივე ადამიანები წერენ შეკვეთილ სტატიებს ბიძინა ივანიშვილზე. ეს არ არის დამთხვევა, ეს არის ფაქტების კრებული, საიდანაც ჩვენ, ადამიანებს, საზოგადოებას, გამოგვაქვს ლოგიკური დასკვნა. ის, ვინც მოგვიწოდებდა ომისკენ, ბიძინა ივანიშვილზე შეკვეთილ სტატიებს აქვეყნებს და არ არის ეს შემთხვევითი. ამას ვამბობდით ჩვენ ორი დღის წინ, როდესაც ეს სტატია პირველად გამოქვეყნდა, როცა ჟურნალისტებმა კითხვები დაგვისვეს, ვთქვით, რომ ეს სტატია იაფი არ დაჯდებოდა და მართლაც“, – აღნიშნა მდინარაძემ.