უნგრეთის პრემიერ-მინისტრმა, ვიქტორ ორბანმა განაცხადა, რომ უკრაინის ევროკავშირში გაწევრიანება ამჟამად არ ემთხვევა უნგრეთის ეროვნულ ინტერესებს და ევროკავშირმა უკრაინას უნდა შესთავაზოს სტრატეგიული პარტნიორობა, ვიდრე გაწევრიანების შესახებ მოლაპარაკებები დაიწყება. ინფორმაციას ამის შესახებ გამოცემა EURACTIV-ი ავრცელებს.
“უკრაინის ევროკავშირში გაწევრიანებასთან დაკავშირებით მოლაპარაკებების დაწყება დღეს არ ემთხვევა უნგრეთის ეროვნულ ინტერესებს”, – განაცხადა ორბანმა უნგრეთის სახელმწიფო რადიოსთან ინტერვიუში.
“არ ღირს [უკრაინის ევროკავშირში გაწევრიანების შესახებ] მოლაპარაკებების დაწყება, რადგან ჩვენ ვერ ვუპასუხებთ კითხვას, რა შედეგები მოჰყვება უკრაინის წევრობას”, – დასძინა უნგრეთის პრემიერ-მინისტრმა.
ორბანმა აღნიშნა, რომ ის მომხრეა, რომ ევროკავშირმა უკრაინასთან სტრატეგიული პარტნიორობის შეთანხმება დადოს.