ზუგდიდის დადიანების სასახლის ყოფილი მუშაკი ქალბატონი ელზა ზოდელავა ფარული ჩაწერისა და მიყურადების არაერთი შემთხვევის გამო გათავისუფლდა სამსახურიდან, – ამის შესახებ ისტორიკოსი, ხელოვნების სასახლის გენერალური დირექტორი გიორგი კალანდია სოციალურ ქსელში წერს.
„ძვირფასო მეგობრებო სასაცილოდ არ მყოფნის ეს მორიგი თავდასხმა და დეზინფორმაცია ჩემი მისამართით, უფრო სწორად იმ საქმის მიმართ რომელსაც ვაკეთებდი დიდი სიყვარულით და მომავალშიც ასე გავაგრძელებ! ამ სამარცხვინო საიტის ავტორები მკითხველს არწმუნებენ, რომ თითქოსდა გადამოწმებული ინფორმაციის შედეგად მე რეპრესიებს ვახორციელებ, არადა საქმე შემდეგშია: ნაციონალური მოძრაობის აქტივისტმა, ზუგდიდის დადიანების სასახლის ყოფილმა მუშაკმა ქალბატონმა ელზა ზოდელავამ არაერთხელ განახორციელა ფარული მიყურადება და საკუთარი თანამშრომლები უკანონოდ ჩაწერა, შემდეგ ეს ჩანაწერები ასევე მათ წინააღმდეგ უკანონოდ გამოიყენა! აღნიშნულის გამო იგი სამსახურიდან გათავისუფლდა… მუზეუმის დირექციის გადაწყვეტილება გაასაჩივრა, თუმცა ორივე სასამართლო ინსტანციაში ქალბატონმა ზოდელავამ პროცესები პირწმინდად წააგო… ჰოდა ახლა სამაგიეროს გადახდის თავისებური “ნაცისტურ-კომუნისტური” ფორმა მოიფიქრა… სასაცილოა, თუმცა ცილისწამებისათვის ამ დეზინფორმაციის ავტორებს სასამართლოში მოუწევთ შეხვედრა“, – წერს კალანდია.