ტენესის შტატში ტორნადოს შედეგად, სულ მცირე, ექვსი ადამიანი დაიღუპა, ათობით დაშავებულია. სტიქიის მსხვერპლთა შორის ერთი ბავშვია. ადგილობრივი ხელისუფლების ცნობით, იმ რაიონებში, რომლებსაც ტორნადომ გადაუარა, სამძებრო-სამაშველო ოპერაცია გრძელდება, ამიტომ შტატში მსხვერპლისა და დაშავებულების რაოდენობის ზრდას არ გამორიცხავენ.
ტენესის ქალაქ კლარკსვილში სტიქიის გამო საგანგებო მდგომარეობა გამოცხადდა. შაბათ-კვირის ღამით კი კომენდანტის საათი დაწესდა.
ტორნადომ და შტორმმა შტატის რამდენიმე რაიონში წააქცია ხეები, დააზიანა ელექტროგადამცემი ხაზები და საცხოვრებელი სახლები. ტენესიში 80 ათასზე მეტი ადამიანი შაბათს, საღამოს ელექტროენერგიის გარეშე დარჩა.
კომენტარები