საგარეო საქმეთა მინისტრი ილია დარჩიაშვილი დღეს და ხვალ ბრიუსელში სამუშაო ვიზიტებს გამართავს.
მინისტრი მონაწილეობას მიიღებს აღმოსავლეთ პარტნიორობის მინისტერიალში, სადაც განიხილავენ თანამშრომლობას აღმოსავლეთ პარტნიორობის ფარგლებში. აქცენტი გაკეთდება 2022-2023 წლებში მიღწეულ შედეგებსა და სამომავლო პერსპექტივებზე.
ბრიუსელში ვიზიტის დროს საგარეო საქმეთა მინისტრი ასევე შეხვდება ევროპელ კოლეგებს და ევროკომისიის წარმომადგენლებს.
კომენტარები