მომავალი წლის ბიუჯეტის საბოლოო ვარიანტს დეპუტატები დღეს საფინანსო-საბიუჯეტო კომიტეტის სხდომაზე განიხილავენ.
2024 წლის ბიუჯეტის შემოსავლები დაახლოებით 20 მილიარდ 600 მილიონით განისაზღვრება და ის პირვანდელ ვარიანტთან შედარებით თითქმის 700 მილიონით არის გაზრდილი.
პარტია “ხალხის ძალის” წევრის ეკა სეფაშვილის განცხადებით, ბიუჯეტის მესამედი სოციალური საკითხებისთვისაა გათვალისწინებული.
“2024 წლის ბიუჯეტი, ისევე როგორც შარშანდელი ბიუჯეტი, მესამედი მიმართულია სოციალური მიზნებისათვის. დამატებითი თანხები მობილიზებულია როგორც ინფრასტრუქტურული პროექტების მშენებლობისათვის, ასევე სოციალური პროგრამებისა და სოციალურად დაუცველი მოსახლეობის პირობების გაუმჯობესებისათვის. რა თქმა უნდა, თანხები მომატებულია, თუმცა ეს იმას არ ნიშნავს, რომ ყველა ის მოთხოვნა, რაც არსებობს ბოლომდე დაკმაყოფილებულია, ამისათვის საჭიროა კვლავ გავაგრძელოთ ეკონომიკური ზრდა”, – განაცხადა ეკა სეფაშვილმა.