ძალიან ბევრი ქვეყანა ხმამაღლა აცხადებს, რომ გასულ წელს დაშვებული შეცდომა აუცილებლად უნდა გამოსწორდეს საქართველოსთან მიმართებაში და საქართველოს უნდა ჰქონდეს კანდიდატის ქვეყნის სტატუსი, – ამის შესახებ ევროინტეგრაციის კომისიის თავმჯდომარემ, მაკა ბოჭორიშვილმა „ქრონიკას“ განუცხადა.
„რაც შეეხება იმ ნაწილს, რაც მთლიან გადაწყვეტილებასთან დაკავშირებით ბოლო პერიოდში გვესმის რომელიც უკავშირდება გაფართოებას და იქ არ არის საქართველო მხოლოდ, ამ გადაწყვეტილებას სჭირდება კონსენსუსი და იმედი მაქვს, როდესაც შეიკრიბებიან ლიდერები, კონსენსუსს მიაღწევენ“, – აღნიშნა მაკა ბოჭორიშვილმა.
მიმდინარე კვირის ბოლომდე, ევროკავშირის წევრობის კანდიდატი ქვეყნის სტატუსზე ევროპელი ლიდერების გადაწყვეტილება ცნობილი გახდება. ევროპის პოლიტიკურ დედაქალაქში ევროპული საბჭოს სხდომა 14 დეკემბერს დაიწყება. საქართველოსთვის სტატუსის მინიჭებაზე ევროკომისიის რეკომენდაციას მხარი 27-მა ქვეყანამ უნდა დაუჭიროს.