გვინდა თანამშრომლობის მემორანდუმის გაფორმება პარლამენტებს შორის, რათა მივცეთ უფრო სტრუქტურული დატვირთვა ჩვენს ურთიერთობას, კომიტეტებს, აპარატებს, მეგობრობის ჯგუფებს შორის, – ამის შესახებ პარლამენტის თავმჯდომარემ შალვა პაპუაშვილმა ბაქოში ჟურნალისტებს განუცხადა.
მისი თქმით, აზერბაიჯანსა და საქართველოს შორის არის ძმობა, რომელიც ორ ქვეყანას ერთმანეთთან აკავშირებს, ეს არის რთულ პერიოდში ერთმანეთის მხარდაჭერა და ერთმანეთის სიხარულის გაზიარება.
„უმაღლეს დონეზე, ხანგრძლივი, დეტალური და შინაარსობრივი საუბარი გვქონდა როგორც [აზერბაიჯანის] პრეზიდენტთან, ისე პარლამენტის თავმჯდომარესთან და პრემიერ-მინისტრთან. ყველა ამ შეხვედრაზე, თავისთავად, ხაზგასმულად იყო ის სულისკვეთება, რომელიც ჩვენ ორ ქვეყანას შორის ურთიერთობაში არსებობს. ეს არის არა მხოლოდ მეგობრობა, არა მხოლოდ სტრატეგიული პარტნიორობა. ეს არის ძმობა, რომელიც ჩვენ ერთმანეთთან გვაკავშირებს, ეს არის რთულ პერიოდში ერთმანეთის მხარდაჭერა და ერთმანეთის სიხარულის გაზიარება. მე დარწმუნებული ვარ, რომ ის საკითხები, რომელზეც ასევე შევთანხმდით, პარლამენტთან თანამშრომლობის მხრივ, უმოკლეს ვადებში განხორციელდება, გვინდა თანამშრომლობის მემორანდუმის გაფორმება პარლამენტებს შორის, რათა მივცეთ უფრო სტრუქტურული დატვირთვა ჩვენს ურთიერთობას, კომიტეტებს, აპარატებს, მეგობრობის ჯგუფებს შორის. ასე რომ წინ ჩვენს ორ ქვეყანას აქვს ნამდვილად ძმური და წარმატებული მეგობრობისა და განვითარების გზა“, – აღნიშნა პაპუაშვილმა.