66 წლის ასაკში გარდაიცვალა მწერალი ზურაბ ქარუმიძე. ინფორმაციას მწერლის გარდაცვალებაზე სოციალურ ქსელში ოჯახის წევრები ავრცელებენ.
ზურაბ ქარუმიძე მოთხრობებს წერდა ქართულ და ინგლისურ ენებზე. სხვადასხვა დროს მიღებული აქვს ლიტერატურული პრემიები. 2018 ლიტერატურული პრემია „ლიტერა“ რომანისთვის „მოგზაურობა ევროპაში“, 2010 წელს პრემია “საბა” წიგნისთვის „ჯაზის ცხოვრება“.
მას ეკუთვნის ინგლისურ ენაზე დაწერილი რომანი Dagny or a Love Feast. ავტორის მიერვე ინგლისურ ენაზე თარგმნილი მოთხრობები 1996 წელს ამერიკაში Clockwatch Review-ში გამოქვეყნდა.
ზურაბ ქარუმიძე, რედაქტორობდა საქართველოში გაცემულ ინგლისურენოვან ჟურნალებს: საქართველო/კავკასიის პროფილი და კავკასიის კონტექსტი.
ქარუმიძე იყო ფონდის „ღია საზოგადოება-საქართველოს“ დარგობრივი და აღმასრულებელი საბჭოს წევრი 2005-2012 წლებში.
ზურაბ ქარუმიძეს ლიტერატურულ წრეებში იცნობდნენ შოუ ბაბუხადიას ფსევდონიმითაც, ამ ფსევდონიმითაა გამოცემული მისი რომანი „ბაყაყები“.