თურქმა სამართალდამცველებმა სტამბოლის კლუბ Reina-ში საახალწლო ღამეს მომხდარი ტერაქტის სავარაუდო ორგანიზატორი დააკავეს. ინფორმაციას გამოცემა Cumhuriyet-ი ავრცელებს.
თურქი წარმოშობის საფრანგეთის მოქალაქე ინიციალებით ა.ს ტერორისტულ დაჯგუფება „ისლამურ სახელმწიფოსთან“ კაშირში მყოფი ეჭვმიტანილების სიაში იყო.
გავრცელებული ინფორმაციით, მან იქირავა ერთ-ერთი ბინა, სადაც ტერაქტის უშუალო შემსრულებელი აბდულკადირ მაშარიპოვი იმალებოდა.
დაკავებული 2009 წლიდან საფრანგეთში ცხოვრობდა.
ახალი წლის ღამეს სტამბოლში მდებარე ღამის კლუბ Reina-ში მომხდარი ტერაქტის შედეგად 40 ადამიანი დაიღუპა. ტერაქტის უშუალო შემსრულებელი აბდულკადირ მაშარიპოვი 16 იანვარს სტამბოლში ანტიტერორისტული ოპერაციის ფარგლებში დააკავეს.
კომენტარები