მოუთმენლად ველოდები დღევანდელ დისკუსიას. ვფიქრობ, ჩვენ გვაქვს უკრაინასთან და მოლდოვასთან მოლაპარაკებების დაწყებასთან დაკავშირებით ძალიან გაბედული გადაწყვეტილებების მიღების ისტორიული შანსი, – ამის შესახებ ლიეტუვის პრეზიდენტმა, გიტანას ნაუსედამ „ქრონიკასთან“ განაცხადა.
„ჩვენს ხელშია, ჩვენ შეგვიძლია გამოვიყენოთ ეს შანსი, ან ხელიან გავუშვათ ის. ჩემი ქვეყნის პოზიცია ძალიან მტკიცეა. თქვენ იცით, რომ ჩვენ მათი მხარდამჭერები ვართ პირველი დღიდან და მე ვფიქრობ უკრაინელი და მოლდოველი ხალხი იმსახურებს პოზიტიურ შედეგებს, რადგან მათ ამხელა ძალისხმევა ჩადეს ევროკომისიის რეკომენდაციების შესასრულებლად. შევძლებთ თუ არა ამ პოზიტიური შედეგების მიღებას და გადაწყვეტილებების მიღებას, დღეს ვნახავთ. თუმცა ჩემი სათქმელია, რომ თუკი ჩვენ ბოროტად გამოვიყენებთ ერთსულოვნების პრინციპს, გაჩნდება სულ უფრო მეტი ხმა, რომელიც დასვას შეკითხვას, თუ რატომ ვიღებთ გადაწყვეტილებებს კონსენსუსის საფუძველზე. ჩემი ქვეყნისთვის სარგებელს იღებს ერთსულოვნების პრინციპიდან, რადგან ის არის პატარა ქვეყანა, როგორც მაგალითად უნგრეთი. ძალიან მნიშვნელოვანია, ამ პრინციპის შენარჩუნება, თუმცა ის არ უნდა იქნას ბოროტად გამოყენებული და საჭიროა მისი სწორად და სამართლიანად გამოყენება“, – განაცხადა ნაუსედამ.
მან ასევე უპასუხა „ქრონიკის“ კითხვას საქართველოსთვის კანდიდატის სტატუსის მინიჭების საკითხზე.
„სხვა ქვეყნებიც ელოდებიან გადაწყვეტილებებს. ჩემმა მეგობრებმა საქართველოდან ნამდვილად ბევრი გააკეთეს რეფორმების შესასრულებლად. დიახ, ყოველთვის არის საკითხები, რომელთა განხილვაც მომავალში შესაძლებელია. თუმცა ამჟამად ჩვენ გვაქვს პოლიტიკური სიტუაცია, სადაც ჩვენ უნდა მივიღოთ გადაწყვეტილებები, გადაწყვეტილებები არა მხოლოდ უკრაინასთან და მოლდოვასთან დაკავშირებით, არამედ საქართველოსთან და ბოსნია-ჰერცეგოვინასთან დაკავშირებით. ჩემთვის კითხვები და პასუხები ძალიან მარტივია. ჩემმა ქვეყანამ ძალიან დიდი სარგებელი მიიღო ევროკავშირის წევრობისგან სწრაფი ეკონომიკური განვითარებით, ინოვაციებით, მწვანე ინვესტიციებით, მშპ-ს ზრდით. ასე რომ ჩემი შეკითხვა მდგომარეობს შემდეგში: ევროკავშირის გარეთ მცხოვრები ხალხი რატომ არ უნდა იმსახურებდეს იმავეს – ნორმალურ ცხოვრებას, კეთილდღეობას, კანონის უზენაესობას და ა.შ
მე არ მინდა ვისაუბრო ბატონ ორბანზე. მე უკვე ვთქვი, რაც უნდოდათ. ვიმედოვნებ, რომ ჩვენი დისკუსიის დროს ჩვენ ვიპოვით არგუმენტებს. თუმცა თუ ზოგიერთი არ მოუსმენს ამ არგუმენტებს, მაშინ სიტუაცია ძალიან რთული გახდება“, – აღნიშნა ნაუსედამ.