არსებობს ძალიან ბევრი პოლიტიკური პარტია და ყველას აქვს საშუალება საკუთარი პოლიტიკური გემოვნება დაიკმაყოფილოს, ვისაც პოლიტიკური აქტიურობა სურს, – ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა ჟურნალისტებთან განაცხადა.
„მაგრამ არიან ადამიანები, რომლებსაც საქართველოს გამარჯვება სურთ და არ სურთ პოლიტიკური პარტიის წევრობა. ეს შესაძლებლობა მუდმივად იქნება და არის „ნაციონალურ მოძრაობაში“. ნიკა გვარამიასნაირი ადამიანებისთვის „ნაციონალურ მოძრაობაში“ კარი მუდმივად ღია იქნება და არა მხოლოდ პირობითად კომიტეტში. უბრალოდ, კონკრეტული ადამიანები თავად იღებენ გადაწყვეტილებებს, რაც მათ სურთ“, -აღნიშნა ხაბეიშვილმა.
მსჯავრდებულმა ექსპრეზიდენტმა, მიხეილ სააკაშვილმა ოპოზიციას შესთავაზა, შეიქმნას პოლიტიკური აქტიურობის ერთიანობის კომიტეტი, სუპერ პაკ-ი.