სულ მცირე მთელი 2024 წლის განმავლობაში რუსეთი შეინარჩუნებს ომის მხარდაჭერას და გაზრდის კიდეც. მას აქვს შესაძლებლობები, რომ გაზარდოს [შეიარაღების] წარმოება, აღდგენა და რემონტი, მიიღოს, გაწვრთნას და საბრძოლველად გაგზავნოს პირადი შემადგენლობა. ჩვენ კი უკვე დავიღალეთ, – ამის შესახებ უკრაინის პრეზიდენტის ოფისის ყოფილმა მრჩეველმა, ალექსეი არესტოვიჩმა განაცხადა.
„საუბრები ქალთა მობილიზაციის შესახებ სამობილიზაციო სისტემაში ძალიან არასასიკეთო მდგომარეობაზე მიუთითებს. რა დარჩება უკრაინისგან 2024 წლის ბოლოსთვის, დიდი კითხვაა. საქმე ისაა, თუ როგორ ვიყენებთ არსებულ რესურსებს: გვყავს „ყასაბი“ მეთაურები, არ გვაქვს კადრების გადანაწილების სწორი პოლიტიკა, და სწორედ ეს უნდა გაასწოროს მობილიზაციის შესახებ კანონმა. უკვე ისმის საღი აზრები, რომლებიც ჯერ კიდევ 2022 წლის მაისში უნდა გამოთქმულიყო. სისტემა, რომელიც გვმართავს, სწორად ვერ განკარგავს არსებულ რესურსებს და მხოლოდ ახალი რესურსების მოძიებაზეა ორიენტირებული. ჩემი აზრით, თუ ქალებს დააყენებენ აღრიცხვაზე და ჩაუკეტავენ მათ ქვეყნის საზღვრებს, ამ სისტემას ქალები ჩამოანგრევენ, იმიტომ რომ აღშფოთებული ქალები საშიში ძალაა“, – აღნიშნა არესტოვიჩმა.