„ნაცების“ პატრონები გადმოინაცვლებენ, გვარამიას პლატფორმას დააფინანსებენ და ჩემს „ხაბეს“ რადიკალიზმში ეს ჩაენაცვლება – ჩემი „ხაბე“ ყველამ გაწირა და ეს არ არის სწორი ფორმატი. „ხაბე“, გამაგრდი! – ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ განაცხადა.
მისივე თქმით, ხაბეიშვილი რა ბედოვლათიც მანამდე იყო, ის არის ახლაც“.
„დღეს „ნაცებს“ წლისთავი აქვთ. ჩემს ბაჯაღლო „ხაბეს“ თავისი პარტიის ხელისუფლებაში მოსვლის შემდეგ, რამეთუ მელია ჩამოაგდო, გააერთიანა მთელი „სანაცეთი“ ჩვენი ქვეყნის, ძლევამოსილი არმიით შემდეგ შეუტია და დაიხსნა თავისი ბელადი, შემდეგ დაიმორჩილა ბუნების ძალები და ახლა ერთიანი ძალებით უტევს არჩევნებს, რომ უნდა გაიმარჯვოს. „შუტკა“! რა უნდა გაეკეთებინა?! რაც იყო ბედოვლათი მანამდე, ის არის ახლაც. იმდენად სამარცხვინო შედეგებით არის, რომ უკვე მათი ტელევიზიებიც კი ემიჯნება. „მთავარი არხის“ ხელმძღვანელი ვინც არის, ის ამბობდა, ჩემს გარემოცვაში ყველა დასცინისო. მე კი არ დავცინი, ოქროს გული აქვს, მაგას ვენაცვალე, მაგრამ პოლიტიკურად ღირსეული თავმჯდომარეა ამ პარტიის. აბა, თქვენ იცით, ერთმანეთს მოუწყვეთ კიდევ რევოლუციები, დაიყავით! ვაშაძე დაისვი თავზე, პოპულისტი. ახლა ახალი რაღაც მოიფიქრეს. ევროინტეგრაციაში ხელი მოეცარათ, ვერაფერს შვრებიან, ბელადიც ვერ დაიხსნეს და რა ქნეს? მოიფიქრეს, ახლა რუსეთიდან რაც გავიდა კომპანიები, ისინი არც ერთი არ შემოსულაო. ბიჭო, BMW-ს ცენტრი აქ არის, „მერსედესის“ ცენტრი აქ არის, „ტოიოტას“ ცენტრი აქ არის, H&M აქ არის, მთელი ბრენდები აქ არის და დუბლირებულად ვინ შემოვიდოდა აქ?! გიჟია, გეუბნებით და „აბოლებს“ ახლა თავის მრევლს შიგნით. სამუშაო ადგილები მეტი უნდა შეგვექმნაო. ვინ ამბობს ამას? – ლუზერი ვაშაძე. ახლა ამ ლუზერების გაერთიანებით „ჩიხუახუა” ორი“ გამოდიან ესენი. როგორც მივხვდი, მათმა პატრონებმა ხელი ჩაიქნიეს „ნაცებზე“. არ გამოდის არაფერი და ახლა, ჩემი აზრით, ამათი პატრონები გადმოინაცვლებენ და გვარამიას პლატფორმას დააფინანსებენ და ეს ჩაენაცვლება რადიკალიზმში ჩემს „ხაბეს“. რა უნდა ვქნა, არ ვიცი. სად დავასაქმოთ ეს კაცი?! ჩემი „ხაბე“ ყველამ გაწირა და ეს არ არის სწორი ფორმატი. „ხაბე“, გამაგრდი!“ – განაცხადა ზარქუამ.