თებერვლის ბოლომდე 50 ერთეული 18-მეტრიანი ავტობუსი სრულად იქნება შეშვებული ქსელში და დაიწყებენ მგზავრების მომსახურებას, – ამის შესახებ ირაკლი ხმალაძემ „ქრონიკაში“ განაცხადა. თბილისის მერის მოადგილემ განაცხადა, რომ წლის ბოლომდე ქალაქში კიდევ 110 ერთეული ასეთი ავტობუსი შემოვა.
„დღეს ის დღე დადგა, როდესაც თბილისში უკვე მოძრაობს 9 ერთეული 18-მეტრიანი ავტობუსი. ეს არის 9 ავტობუსი იმ 50 ერთეულიდან, რომელიც უკვე თბილისში იმყოფება და ეტაპობრივად იქნება შეშვებული სისტემაში. ეს ძალიან ბევრ პოზიტიურ ცვლილებას გამოიწვევს ქალაქში. მაგრამ მთავარია ის, რომ წლის ბოლომდე, ჯამურად 160 ერთეული 18-მეტრიანი ავტობუსი უნდა შემოვიდეს. ამით მნიშვნელოვნად უნდა გაიზარდოს მგზავრთა გადაყვანის მაჩვენებელი და, ცხადია ჩვენი მოქალაქეების კომფორტი“, – განაცხადა ხმალაძემ.
კომენტარები