“რეალობაა, რომ რუსეთს შეუძლია კიდევ 400 ათასი ჯარისკაცის მობილიზება, ისინი აწარმოებენ ახალ ტანკებსა და იარაღს, ძალიან აგრესიული მეზობელი გვყავს”

ლიეტუვის საგარეო საქმეთა მინისტრმა, გაბრიელიუს ლანდსბერგისმა განაცხადა, რომ რუსეთს შეუძლია მოულოდნელად თავს დაესხას ნატოს ქვეყნებს.

“ყველაზე დიდი პრობლემა ის არის, რომ არ ვიცით რამდენი დრო გვრჩება. ვიმედოვნებთ, რომ რუსეთის შეჩერებას უკრაინელები შეძლებენ. მაგრამ რეალობა ის არის, რომ რუსეთს შეუძლია კიდევ 400 ათასი ჯარისკაცის მობილიზება. ისინი აწარმოებენ ახალ ტანკებსა და ახალ იარაღს. ჩვენ გვყავს ძალიან აგრესიული მეზობელი, რომელიც ნატოს გამოცდას აპირებს. ამისთვის უნდა მოვემზადოთ”, – აღნიშნა ლიეტუვის საგარეო საქმეთა მინისტრმა.

“ჩვენი უსაფრთხოება ურთიერთდაკავშირებულია. თუ ლიეტუვას საფრთხე ემუქრება, მაშინ საფრთხე ასევე ემუქრება ევროპის სხვა ნაწილებს. ჩვენ ერთად უნდა დავიცვათ თავი“, – დასძინა მან.