აშშ-ის პრეზიდენტმა, ჯო ბაიდენმა განაცხადა, რომ ნავალნის გარდაცვალების გამო, რუსეთის წინააღმდეგ დამატებითი სანქციების დაწესებას განიხილავს. ინფორმაციას ამის შესახებ ფრანგული გაზეთი Le Mondeავრცელებს.
“ჩვენ უკვე დავაწესეთ სანქციები, მაგრამ განვიხილავთ ახალი სანქციების დაწესებას”, – განუცხადა ჟურნალისტებს აშშ-ის პრეზიდენტმა.
რუსი ოპოზიციონერი, ალექსეი ნავალნი სასჯელაღსრულების დაწესებულებაში გარდაიცვალა. ის 47 წლის იყო. რუსეთის ფედერალური სასჯელაღსრულების სამსახურის ცნობით, 16 თებერვალს, ნავალნი სეირნობის შემდეგ ცუდად გახდა, რის შემდეგაც მან გონება დაკარგა. უწყების განმარტებით, მედიკოსებმა მას ყველა საჭირო პროცედურა ჩაუტარეს, თუმცა უშედეგოდ.
კომენტარები