პარადოქსი არ არის? ხაზარაძე გადასახლებით ემუქრება ბიძინა ივანიშვილს. რა გაგიკეთებიათ უანგაროდ საკუთარი ქვეყნისთვის? ამ ადამიანმა 3 მილიარდ დოლარზე მეტი გადასცა უანგაროდ თავის ქვეყანასამის შესახებ იურიდიულ საკითხთა კომიტეტის თავმჯდომარის პირველმა მოადგილე დავით მათიკაშვილმა პარლამენტის პლენარულ სხდომაზე განაცხადა.
„ხაზარაძემ თავისი ცეცხლმოკიდებული, ალში გახვეული „მუსტანგით“ გადაცურა და გადმოცურა ლამანშის სრუტე. გაგვანდო თავისი უძილობის მიზეზები, თურმე რაზე ფიქრობს ეს ადამიანი, რა გზებით უნდა იაროს თავისი „მანქანა-მოჩვენებით“ რომ შეძლოს და ჩვენს მოქალაქეებს პირდაპირ ათასლარიანი პენსიები დაუნიშნოს, ეს არის რუსეთისთვის სანქციების დაწესება. როცა ერთი ქვეყანა მეორეს სანქციებს უწესებს, ეს მეორე ქვეყანა იმდენად გახარებული და აღფრთოვანებულია ამ ფაქტით, რომ ეკონომიკურ ურთიერთობას კი არ წყვეტს, პირიქით – ზრდის. აი რა არის პიარ კამპანიის სწორად წარმართვა. პარადოქსი არ არის? ხაზარაძე გადასახლებით ემუქრება ბიძინა ივანიშვილს. რა გაგიკეთებიათ უანგაროდ საკუთარი ქვეყნისთვის? ამ ადამიანმა 3 მილიარდ დოლარზე მეტი გადასცა უანგაროდ თავის ქვეყანას. თქვენ მას ვერ პატიობთ ყველაზე დიდ ქველმოქმედებას – ეს არის 2011-2012 წლების ამბები, როდესაც მან საკუთარი თავი, საკუთარი სიცოცხლე, საკუთარი ოჯახის ბედ-იღბალი სასწორზე შეაგდო და უთანასწორო ბრძოლაში ბეჭებზე დადო „ნაციონალური მოძრაობა“, ეს ტირანიით შეპყრობილი რეჟიმი. თქვენ სად იყავით ამ დროს? იქნებ ამ რეჟიმთან შეზრდილები, შეხმატკბილებულები, ძალიან კომფორტულად გრძნობდით თავს და იმ რეჟიმის დავალებებსაც ძალიან კომფორტულად ასრულებდით“, – აღნიშნა მათიკაშვილმა.