ყველამ უნდა იცოდეს, რომ [ევროკავშირის] კარი ღიაა. თქვენ უნდა შეხვიდეთ კარში და ღია კარში შესვლას რა ჰქვია ყველამ იცის, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა ჟოზეფ ბორელმა ასოცირების საბჭოს სხდომის შემდეგ გამართულ ბრიფინგზე „ქრონიკის“ კითხვის საპასუხოდ განაცხადა.
„ქრონიკა“ დაინტერესდა, როდის გაიხსნება ახალი შესაძლებლობის ფანჯარა საქართველოსთვის ევროკავშირში.
„როგორც ევროკომისარმა [ვარჰეიმ] ბრძანა, ყველამ უნდა იცოდეს, რომ [ევროკავშირის] კარი ღიაა. თქვენ უნდა შეხვიდეთ კარში და ღია კარში შესვლას რა ჰქვია ყველამ იცის. ეს არის დამსახურებაზე დაფუძნებული პროცესი, რეფორმები უნდა განხორციელდეს, მეტი რა უნდა ვთქვათ. ნუ ელით რაღაც სასწაულს. კატას ნუ ეძებთ ბნელ ოთახში. ღიაა კარი და იცით შესასვლელად რა უნდა გაკეთდეს“, – აღნიშნა ბორელმა.