იხელთებს თუ არა დროს გვარამია და მოახერხებს გახარიას თავის პარტიაში წაყვანას, არ ვიცი, მაგრამ წარმატებებს ნამდვილად ვუსურვებ, – ამის შესახებ „გირჩის“ ლიდერმა იაგო ხვიჩიამ „ქრონიკასთან“ განაცხადა.
„ვხედავ, რომ ბატონი გახარია ოცნებობს, როდის დაურეკავს ბატონი ივანიშვილი და როდის ეტყვის, დაბრუნდი ჩემთანო. ჯერჯერობით ეს დრო არ დგება. ამ დროს იხელთებს თუ არა დროს გვარამია და მოახერხებს გახარიას თავის პარტიაში წაყვანას, არ ვიცი, მაგრამ წარმატებებს ნამდვილად ვუსურვებ. რასაც გვარამიამ ამ თვალსაზრისით ხელი მოკიდა, ჯერჯერობით არ გამოდის და გახარიას შემთხვევაში გამოუვა თუ არა, არ ვიცი“, – აღნიშნა ხვიჩიამ.
ნიკა გვარამიას გიორგი გახარიას წარსული აღარ აინტერესებს, კითხვები აღარ აქვს და თანამშრომლობას გეგმავს. გვარამია გახარიას სამთავრობო კოალიციაში ხედავს. ნიკა გვარამიამ მისი და ნინო ლომჯარიას ერთობაზეც ისაუბრა.