ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ საერთაშორისო საზოგადოებამ უნდა გააგრძელოს ერთიანობის შენარჩუნება ირანის აგრესიისთვის წინააღმდეგობის გაწევაში.
„უშუალოდ და თავისი ტერორისტული მარიონეტების, „ჰამასისა“ და სხვათა მეშვეობით ირანი ახორციელებს აგრესიის სრულმასშტაბურ კამპანიას, რომელიც საფრთხეს უქმნის არა მარტო ისრაელს, არამედ მთელ ახლო აღმოსავლეთს. საერთაშორისო საზოგადოებამ უნდა გააგრძელოს ერთიანობის შენარჩუნება ირანის აგრესიისთვის წინააღმდეგობის გაწევაში, რომელიც საფრთხეს უქმნის გლობალურ მშვიდობას“, – აღნიშნა ისრაელის მთავრობის მეთაურმა.
ირანმა შაბათს ისრაელის მიმართულებით ათობით ბალისტიკური რაკეტა გაუშვა. რაკეტების უმეტესობა საჰაერო თავდაცვის სისტემის მეშვეობით ჩამოაგდეს, ძირითადად ისრაელის საჰაერო სივრცის გარეთ. მთლიანობაში ირანმა ისრაელის მიმართულებით 300-მდე დრონი, ფრთოსანი და ბალისტიკური რაკეტა გაუშვა.