საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა ისრაელის მოწოდება რაფაჰში მცხოვრები პალესტინელებისთვის, დაეტოვებინათ ქალაქი მოსალოდნელი სახმელეთო ოპერაციის წინ. ინფორმაციას ამის შესახებ ისრაელური მედია ავრცელებს.
„ისრაელის განკარგულება რაფაჰში მშვიდობიანი მოსახლეობისთვის ევაკუაციასთან დაკავშირებით ყველაზე ცუდი სცენარია: მეტი ომი და შიმშილი მიუღებელია. ისრაელმა უარი უნდა თქვას სახმელეთო შეტევაზე“, – აღნიშნა ჟოზეფ ბორელმა.
„ევროკავშირს, საერთაშორისო თანამეგობრობასთან ერთად, შეუძლია და უნდა იმოქმედოს მსგავსი სცენარის თავიდან ასაცილებლად”, – დასძინა მან.
მანამდე ისრაელმა რაფაჰის სამხრეთში მყოფ პალესტინელებს ევაკუაციისკენ მოუწოდა. ისრაელის თავდაცვის ძალებმა ას ათასამდე მოსახლეს მოუწოდეს ხან-იუნისსა და ალ-მავასიში მდებარე კარვებისკენ გადაადგილდნენ.