უკრაინაში ომი გრძელდება. რუსულმა ძალებმა ხერსონი დაბომბეს. არის მსხვერპლი. საარტილერიო იერიში განხორციელდა ნიკოპოლზე დნიპროპეტროვსკის ოლქში. შედეგად, ერთი მოქალაქე დაშავდა.
დაიბომბა პოლტავას ოლქიც. დაზიანდა სამოქალაქო ინფრასტრუქტურა, დაშავდა 20-ზე მეტი ადამიანი, მათ შორის, 3 ბავშვი. გავრცელდა ინფორმაცია უკრაინის საჰაერო ძალების მიერ სამხრეთიდან ბალისტიკური რაკეტების გამოყენების საფრთხის შესახებაც. დაიბომბა სუმის ოლქის სასაზღვრო დასახლებები.
რუსეთში, როსტოვის ოლქის ქალაქ აზოვში, დრონით თავდასხმის შედეგად, ცეცხლი გაუჩნდა ნავთობპროდუქტების ავზებს – ინფორმაციას ოლქის გუბერნატორი ავრცელებს.
უკრაინის გენერალური შტაბის ინფორმაციით, გასული 24 საათის განმავლობაში, ფრონტზე სულ 119 საბრძოლო შეტაკება განხორციელდა, ყველაზე ცხელ მიმართულებად კვლავ პოკროვსკი რჩება.