რადიკალური შიიტური დაჯგუფება „ჰეზბოლას“ ლიდერმა, ჰასან ნასრალამ განაცხადა, რომ თუ ისრაელი „ჰეზბოლას“ წინააღმდეგ ტოტალურ ომს დაიწყებს, ისრაელში არცერთი ადგილი უსაფრთხო არ იქნება.
ჰასან ნასრალას თქმით, ომის შემთხვევაში, ისრაელი უნდა მოემზადოს ხმელეთიდან, ჰაერიდან და ზღვიდან თავდასხმებისთვის, ხოლო სიტუაცია ხმელთაშუა ზღვაში მთლიანად შეიცვლება.
„მტერმა კარგად იცის, რომ ჩვენ მოვემზადეთ ყველაზე უარესისთვის… და რომ ჩვენი რაკეტები [ისრაელში] ყველა ადგილს მისწვდება“, – აღნიშნა ჰასან ნასრალამ.
„ჩვენ გავაგრძელებთ ღაზის მხარდაჭერას და მზად ვართ ყველაფრისთვის. ჩვენ არ გვეშინია. ჩვენი მოთხოვნა ნათელია: სრული და მუდმივი ცეცხლის შეწყვეტა ღაზაში. თუმცა, ყოველდღე პრემიერ-მინისტრი ბენიამინ ნეთანიაჰუ გამოდის და ამბობს, რომ ცეცხლის შეწყვეტა შეუძლებელია“, – დასძინა მან.