სამწუხაროდ, ნაკლებად სავარაუდოა რომ ოთარ კიტეიშვილმა 22-ში თამაში შეძლოს. ვიმედოვნებთ, რომ ბოლო მატჩზე იქნება მზად. მოიხსენებაო როგორი ძალაა ოთარი ნაკრებისთვის, – ამის შესახებ საქართველოს ფეხბურთის ფედერაციის პირველმა ვიცე-პრეზიდენტმა კახა ჭუმბურიძემ „იმედი LIVE“-ში განაცხადა.
„დანარჩენები არიან მზადყოფნაში. განწყობა არის საბრძოლო, მოტივირებული, ამაღლებული მომავალი მატჩისთვის და კიდევ უფრო დიდი პასუხისმგებლობა ჩვენი თითოეული გულშემატკივრის მიმართ. დღეს ივარჯიშა ფეხბურთელების ნაწილმა სრული დატვირთვით, ნაწილს ჰქონდა აღდგენითი ვარჯიში. ყველაფერი მიდის ჩვეულ რიტმში და 22-ს შევხვდებით შესაფერისად“, – განაცხადა კახა ჭუმბურიძემ.
მან ასევე შეაფასა ჩეხეთის ეროვნული ნაკრები, რომელსაც ქართველი ფეხბურთელები 22 ივნისს დაუპირისპირდებიან და აღნიშნა, რომ ევროპის ჩემპიონატზე ყველა მოასპარეზე ძლიერია, ხოლო ჩეხეთს საშუალოზე მაღალი დონის გუნდი ჰყავს.