პირველმა ვიცე-პრემიერმა ლევან დავითაშვილმა საქართველოს პირველი ეროვნული ურბანული ფორუმი გახსნა. ფორუმი ეკონომიკისა და მდგრადი განვითარების სამინისტროსა და სივრცითი და ქალაქმშენებლობითი განვითარების სააგენტოსთან ერთად გაეროს განსახლების პროგრამის მხარდაჭერით ტარდება. მასში ურბანული განვითარების სექტორში მომუშავე საჯარო უწყებები და კერძო ორგანიზაციები მონაწილეობენ.
„ჩვენ ახლა ვმუშაობთ ეროვნულ სივრცით გეგმაზე, რომელშიც ასახული იქნება გაეროს მდგრადი განვითარების მიზნები და ჩვენი პრიორიტეტები, მათ შორის 2030 წლის განვითარების გეგმა. ძალიან მნიშვნელოვანია, რომ სივრცითი დაგეგმვა იყოს ადეკვატური განვითარების პრიორიტეტებთან მიმართებაში, რომლებიც ქვეყანას აქვს, იმისთვის რომ ოპტიმალურად გამოვიყენოთ ტერიტორიული განვითარება, ის უპირატესობები, რომლებიც ამ კუთხით გვაქვს. მათ შორის მაქსიმალურად დავძლიოთ გამოწვევები და შევქმნათ ისეთი გარემო, რომელიც იქნება ყველანაირად კომფორტული ადამიანისთვის და პერსპექტიული ეკონომიკური განვითარებისთვის“, – აღნიშნა მინისტრმა.