ბუნებრივია მათ [„ნაციონალური მოძრაობა“] ფინანსური დაფინანსების პრობლემა შეექმნათ, ისევე როგორც საზოგადოებრივი მხარდაჭერის. როგორც ჩანს, „კეზერა” სხვა პლატფორმაზე გადავიდა, – ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ განაცხადა, რითაც გამოეხმაურა ინფორმაციას, რომლის თანახმად, „ნაციონალურმა მოძრაობამ“ საარჩევნოდ პარტიულ სიაში ადგილების გაყიდვა დაიწყო.
„ყოველთვის ასე აკეთებდნენ. უბრალოდ, ბოლოს სპონსორი გამოუჩნდათ კეზერაშვილის სახით და ეტყობა „ნაციონალური მოძრაობა” იმდენად ურეიტინგო გახდა, იმდენად წაგებული და „ლუზერების” პროექტია, [გიორგი] ვაშაძე რომ მივიდოდა იქ რა იქნებოდა თორემ, ხაბეიშვილი კიდევ იმორჩილებდა ბუნების ძალებს და ამის შემდეგ. ბუნებრივია მათ ფინანსური დაფინანსების პრობლემა შეექმნათ, ისევე როგორც საზოგადოებრივი მხარდაჭერის. როგორც ჩანს, „კეზერა” სხვა პლატფორმაზე გადავიდა, ან სხვა ორგანიზაციებს დაუწყებს დაფინანსებას სავარაუდოდ, და “ნაციონალური მოძრობა” ბელადის გარეშე, ფინანსების გარეშე დარჩენილი, „ხაბეს” გარეშე დარჩენილი, ბოკუჩავას იმედად რა უნდა ქნას – ვერ უშველით. როცა ხალხის მხარდაჭერა არა გაქვს ის ბიზნესმენი გინდა გაიყვანონ და გინდა არა. აფინანსონ და იყვნენ”, – განაცხადა ირაკლი ზარქუამ.
„ქრონიკის“ ინფორმაციით, „ნაციონალური მოძრაობა“ საარჩევნოდ პარტიულ სიაში ადგილებს ორ მილიონ დოლარად ყიდის.