აშშ-ის პრეზიდენტი, ჯო ბაიდენი დონალდ ტრამპთან გამართულ დებატებს სოციალურ ქსელში ეხმაურება.
„შეიძლება ისე კარგად არ ვდებატობ, როგორც ადრე. მაგრამ მე ვიცი, როგორ ვთქვა სიმართლე“, – აღნიშნა ჯო ბაიდენმა.
რეგისტრირებული ამომრჩევლების უმრავლესობა, რომლებიც პრეზიდენტ ჯო ბაიდენის და ყოფილი პრეზიდენტის დონალდ ტრამპის დებატებს უყურებდნენ, მიიჩნევს, რომ დისკუსია ტრამპის სასარგებლოდ დასრულდა.
გამოკითხულთა 67% მიიჩნევს, რომ ტრამპმა საკუთარი პოზიციები უფრო მკაფიოდ გამოხატა, 33% კი ფიქრობს, რომ ბაიდენი უფრო დამაჯერებელი იყო. დებატების დაწყებამდე გამოკითხულების 55% ფიქრობდა, რომ ტრამპს უკეთესი გამოსვლა ექნებოდა, 45% კი ბაიდენზე დებდა ფსონს.
როგორც CNN-ი აღნიშნავს, „დემოკრატიულ პარტიაში“ სვამენ კითხვას: უნდა იყოს თუ არა ბაიდენი მათი პრეზიდენტობის კანდიდატი. ამასთან, ხაზი ესმება, რომ ეს ისტორიული დებატები იყო, რადგან არც ბაიდენი და არც მისი კონკურენტი დონალდ ტრამპი ოფიციალურად თავიანთი პარტიების კანდიდატებად არ არიან წარდგენილები. დემოკრატების ეროვნული ყრილობა 19 აგვისტოს, ჩიკაგოში უნდა გაიმართოს.