ჯო ბაიდენმა აღადგინა მსოფლიოს რწმენა ამერიკის ხელმძღვანელობის მიმართ, – ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
ბლინკენის თქმით, ხალხი მთელ მსოფლიოში ხედავს, თუ რა გააკეთა ბაიდენმა თანამდებობაზე მოსვლის შემდეგ და ისინი აფასებენ მის პოლიტიკას.
„თუ თქვენ გაეცნობით გამოკითხვებს მსოფლიოში, ნახავთ, რომ რწმენა ამერიკის ხელმძღვანელობის მიმართ დრამატულად გაიზარდა ბოლო სამწლინახევრის განმავლობაში. ეს უცბად არ ხდება. ეს არის იმ პოლიტიკის შედეგი, რომელსაც ჩვენ ვატარებთ. ეს ჩვენი ჩართულობის შედეგია“, – აღნიშნა ბლინკენმა.
სახელმწიფო მდივნის თქმით, ბაიდენი აერთიანებს ხალხს და მათ ყურადღებას ამახვილებინებს ისეთ გამოწვევებზე, რომლებიც მათ წინაშე დგას და საერთოა სხვა ქვეყნებისთვისაც.
კომენტარები