მართალია, რომ კუზიანს მხოლოდ სამარე თუ გაასწორებსო! თითქმის დარწმუნებული ვარ, რომ აქ ყველას როდი გაუხარდა ის შედეგი, რაც ჩვენმა ნაკრებმა ევრო-2024 ზე აჩვენა. მათ ნაკრების ფიასკო უფრო გაუხარდებოდათ, რომ მერე ესეც საკუთარი ბინძური პოლიტიკური მიზნებისთვის გამოეყენებინათ, – წერს ექსპერტი ზაალ ანჯაფარიძე სოციალურ ქსელში.
ექსპერტის თქმით, გუშინდელ საზეიმო ღონისძიებაზე სპეციალურად მიგზავნილი ჯგუფების ველური სტვენა და ყმუილი პრემიერის მისამართით, იყო ზემოთ ხსენებული შემადგენლობის სრული ლუსტრაცია. მანვე აღნიშნა, რომ გახარიას პარტიამ საჯაროდ მოიწონა ის უმსგავსობა რაც გუშინ ვნახეთ და ამით კიდევ უფრო ჩაეფლო პოლიტიკურ და მორალურ ჭაობში.
„მართალია, რომ კუზიანს მხოლოდ სამარე თუ გაასწორებსო! თითქმის დარწმუნებული ვარ, რომ აქ ყველას როდი გაუხარდა ის შედეგი, რაც ჩვენმა ნაკრებმა ევრო-2024 ზე აჩვენა. მათ ნაკრების ფიასკო უფრო გაუხარდებოდათ, რომ მერე ესეც საკუთარი ბინძური პოლიტიკური მიზნებისთვის გამოეყენებინათ.
გუშინდელ საზეიმო ღონისძიებაზე სპეციალურად მიგზავნილი ჯგუფების ველური სტვენა და ყმუილი პრემიერის მისამართით, იყო ამ შემადგენლობის სრული ლუსტრაცია. მათივე სიტყვებით რომ ვთქვათ „ზეიმი აახიეს“ ხელისუფლებას. სინამდვილეში კი საკუთარ თავს აახიეს სახე, რომელიც ისედაც დაკარგული ჰქონდათ.
ნიშანდობლივი კიდევ ის იყო, რომ დღეს გახარიას პარტიამ ყველას დაასწრო და საჯაროდ მოიწონა ის უმსგავსობა რაც გუშინ ვნახეთ, და ამით კიდევ უფრო ჩაეფლო პოლიტიკურ და მორალურ ჭაობში. ისე, ზოგი ჭირი მარგებელია – უადვილებენ ხალხს არჩევანს ოქტომბერში“, – წერს ზაალ ანჯაფარიძე.