ავიაცია ერთ-ერთი უმნიშვნელოვანესი სექტორია ჩვენი ქვეყნისთვის. მიმდინარე პირველი კვარტალი, შემიძლია თამამად ვთქვა, რომ არის ისტორიული მაქსიმუმების პირველი კვარტალი. რეკორდული მონაცემები გვაქვს ჩვენი ქვეყნის საავიაციო ინდუსტრიაში, – ამის შესახებ ეკონომიკის და მდგრადი განვითარების მინისტრის მოადგილე მარიამ ქვრივიშვილმა „დღის ქრონიკაში“ განაცხადა.
„ჩვენს ქვეყანაში მიმდინარე წელს რეკორდული რაოდენობის ფრენების სრულდება. 50-ზე მეტი ავიაკომპანია ახორციელებს პირდაპირ ფრენებს 100-ზე მეტი საჰაერო მარშრუტით, რაც ისტორიული მაქსიმუმია. 100-ზე მეტი საჰაერო მარშრუტი ასე ნაწილდება: 18% ეკუთვნის ევროპულ მიმართულებებს. ჩვენ დაახლოებით 33-ზე მეტი მიმართულებით გვაქვს პირდაპირი ფრენები ევროპის სხვადასხვა აეროპორტთან და ქალაქთან, რაც მნიშვნელოვანი შედეგია ჩვენი ქვეყნისთვის. რიგით მეორე გახლავთ ე.წ. ყურის ქვეყნები 17%-ით და შემდეგ უკვე ყველა სხვა ქვეყანა ერთობლივად. ეს კიდევ ერთი დემონსტრირებაა ჩვენი ქვეყნის და ჩვენი ხელისუფლების, თუ რამდენად ვავითარებთ დივერსიფიკაციის პოლიტიკას და რამდენად მნიშვნელოვანია ჩვენთვის ევროპიდან და სხვა ყურის ქვეყნებიდან“, – აღნიშნა ქვრივიშვილმა.